Белгија, утре од 15 часот, против Италија ќе го игра натпреварот за третото место во Лигата на нации. Белгијците, беа блиску до пласман во финалето, во полу-финалето испуштија предност од 2:0 против Франција.
Голманот на Белгија, Тибо Куртоа, не може да разбере зошто се игра овој натпревар.
„Кога водиш со 2:0, не можеш да загубиш. Но ние го направивме тоа. И сега не чека натпревар во кој ќе се бориме за ништо. Неважно е дали ќе бидеме трети или четврти во Лигата на нации. Не знам зошто се игра вој меч. Тоа ќе наликува на тренинг-натпревар“, рекол Куртоа.
Противник на Белгија ќе и биде селекцијата на Италија. Натпреварот ќе се одигра на стадионот на Јувентус, во Торино.
> Куртоа: Мечот за третото место не треба да се игра <
