На Европа ѝ се заканува нов бран на илегална миграција од Авганистан, изјави унгарскиот министер за надворешни работи, Петер Сијарто, во Њујорк.
Тој зборуваше на состанокот на шефовите на дипломатиите на Европската Унија, кои се во Њујорк по повод седницата на Генералното собрание на ОН.
Министерот пред новинарите предупреди на лошо сценарио од Авганистан. Рече дека сите фактори укажуваат на зголемената опасност од илегална миграција.
„За жал, повеќето земји-членки на ЕУ не научија од она што и’ се случи на Европа во 2015 година“, рече тој.
Доколку ЕУ не ја смени својата позиција, тоа ќе резултира со уште еден сериозен бран илегална масовна миграција, што треба да го избегнеме, објасни министерот.
