„ТМЗ“ ѝ се придружува на империјата на мултимедискиот магнат Руперт Мурдок.
„Фокс ентертејнмент“ стана сопственик на „ТМЗ“, таблоидска веб-страница и дневна ТВ-програма, соопшти компанијата во понеделникот.
Брендот за селебрити-вести и забава, познат како снабдувач на најновите вести и озборувања за познати личности, претходно беше во сопственост на WornerMedia, која исто така е сопственик на „Си-ен-ен“.
Харви Левин, главен уредник на „ТМЗ“, ко-основач на компанијата во 2005 година, ќе остане со истата функција под новото сопствеништво и ќе поднесува извештаи до менаџментот на „Фокс“.
Други услови на договорот не беа обелоденети.
Не е откриена цената на ТМЗ-портфолиото, кое вклучува и дневна ТВ-програма „ТМЗ лајф“.
„Фокс“ ќе раководи со сите канали на „ТМЗ“, вклучувајќи ги и програмите „ТМЗ“ и „ТМЗ лајф“ кои веќе се емитуваат на 18 филијали на мрежата во сопственост на Fox Television Stations, се наведува во соопштението.
