Утрински Весник
Македонија

Германски експерти ќе се вклучат во истрагата за пожарот во модуларната болница

Германски експерти ќе се вклучат во истрагата за пожарот во модуларната болница

Четворица германски експерти ќе бидат вклучени во истрагата за пожарот во тетовската модуларна болница,соопшти портпаролот на Владата Душко Арсовски.

Тој образложи дека германскиот тим од Федералната криминалистичка служба, кој треба да пристигне по завршената претходница деновиве е составен од двајца крим техничари и форензичари за истражување пожари, како и двајца крим техничари и форензичари за ласерско мерење на простории и за фотографирање.

Арсовски рече дека МВР веќе подготвува соодветна поддршка во форма на алат, нацрти, планови и други релевантни информации кои можат да помогнат во заедничкото утврдување на фактите.

Германските експерти ќе работат заедно со крим техничарите на МВР како поддршка на ОЈО при истрагата за утврдување на причините за пожарот во модуларната болница во Тетово.

Можете да прочитате

Водно без вода – жители во очај и гнев: „Рестрикции, а 40 степени надвор!“

Вечерва избувна голем пожар и кај Македонски Брод, за сега никој не интервенира

Кукуновски за 24 Инфо: Граѓаните од Чучер Сандево сами го спасија манастирот од пожарот