Вооружени разбојници провалиле во златарницата на „Булгари“ на луксузниот плоштад Вандом во Париз и украле накит вреден 10 милиони евра, соопшти полицијата.
Тројца вооружени и маскирани лица ја ограбиле неодамна реновираната продавница за накит на плоштадот во центарот на Париз, во близина на хотелот Риц, нешто пред пладне.
PARIS : Braquage de la bijouterie Bvlgari place Vendôme. Plusieurs suspects ont foncé en voiture sur les policiers qui ont ouvert le feu.
Deux policiers et un braqueur ont été blessés. Deux individus interpellés. (BFM Paris / @RemyBuisine) pic.twitter.com/P2ewKDezrS— Infos Françaises (@InfosFrancaises) September 7, 2021
Тројцата побеганале со автомобил, а четворица помошници местото го напуштиле со скутери. Тројцата главни извршители биле приморани да го напуштат возилото, па почнале да бегаат пеш.
Еј-би-си њуз пренесува дека еден од уапсените бил застрелан во нога од страна на полицијата пред да биде уапсен.
И други продавници за накит во Париз, исто така, биле цел на разбојници во последните месеци.
Во јули, накит вреден речиси 2 милиона евра беше украден од ексклузивна златарница во близина на Елисејските полиња, иако пленот подоцна беше пронајден, а осомничените уапсени.
Разбојници истиот месец ја нападнале и златарницата „Дин Ван“ во центарот на Париз.
Историскиот плоштад Вандом се смета за срцето на францускиот луксуз. Таму свои продавници имаат многу престижни бредндови.
