Тениската сезона 2021 поминува во знакот на светскиот рекет број 1, Новак Ѓоковиќ, кој освои три од годишните гренд слема и е фаворит за комплетирање на календарскиот гренд слем во Њујорк, но успехот не значи и заработувачка, како што покажува листата на магазинот „Форбс“ за тоа кои тенисери најдобро заработиле последните 12 месеци.
Србинот не е ниту во топ 3 на таа листа, на која убедливо на првото место е Роџер Федерер, тенискиот „Маестро“ од Швајцарија кој има одиграно многу малку тенис оваа година. Федерер заработил 90.6 милиони долари од кои само 600.000 долари од наградните фондови. Федерер е на врвот на оваа листа неверојатни 16 години едноподруго.
Втора на листата е јапонската светска тенисерка број 1, Наоми Осака со 60 милиони долари (од кои само 5 милиони од победи), додека трета е Серена Вилијамс со 41.8 милиони долари (1.8 милиони од победи).
Ѓоковиќ е на четвртото место со вкупно 30 милиони долари, иако е убедливо прв на листата од наградните фондови (8 милиони долари). Во топ 10 се уште и Рафаел Надал, Кеи Нишикори, Данил Медведев, Доминик Тим, Стефанос Циципас и Ешли Барти.
2021’s Highest-Paid Tennis Players ?
1️⃣ Roger Federer $90.6M
2️⃣ Naomi Osaka $60.1M
3️⃣ Serena Williams $41.8M
4️⃣ Novak Djokovic $38M
5️⃣ Rafael Nadal $27M
6️⃣ Kei Nishikori $26M
7️⃣ Daniil Medvedev $14M
8️⃣ Dominic Thiem $9M
9️⃣ S. Tsitsipas $8M
? Ashleigh Barty $5.8M(h/t @forbes) pic.twitter.com/9H78Hdx53R
— Front Office Sports (@FOS) August 30, 2021
> На теренот е неприкосновен, на листата на заработувачка не е ниту во топ 3 <
