Вработен во МВР од Свети Николе доби кривична пријава за лихварство.
Според информациите, во периодот од 2020 до 30.07.2021, О.Ц. (50) неовластено се занимавал со давање на пари на заем, како и на потрошни предмети на одложено плаќање, искористувајќи ја социо-економската положба на оштетените, при што се стекнал со имотна корист од 539.800 денари.
При претреси во три објекти, сопственост на О.Ц., извршени со судска наредба биле пронајдени и одземени автомобил „фолксваген голф“, со кумановски регистарски ознаки, сопственост на лице од Куманово, автомобил „мерцедес“, со кумановски регистарски ознаки, сопственост на друго лице од Куманово, сообраќајни дозволи за двете возила, лична карта од едно лице, список со испишани имиња и парични средства.
