Во Драч во контејнер со замрзната морска храна, кој пристигнал од Еквадор, пронајдени и запленети биле седум килограми кокаин.
„По царинската проверка, пронајдени беа неколку пакувања кокаин со вкупна тежина од околу седум килограми и еден ГПС уред. Дрогата, која се наоѓала во контејнер со морски плодови испратени од Еквадор во Албанија, преку компанијата ‘Фиш Ко. Тирана’, е запленета како материјален доказ”, се наведува во соопштението.
Инспектори од одделот за борба против наркотици на полицијата во Драч, го уапсиле жителот на Драч Д.Д. (35), одговорно лице на „Фиш Ко. Тирана“.
Припадниците на криминалистичката полиција во Драч открија вкупно 26 килограми кокаин во три пратки на компанијата „Алба егзотик фрутс“ во јули годинава и го уапсија директорот на таа компанија, Бајрон Гумени, додека по неговиот соучесник Едуарт Даути и натаму се трага.
