Дезертирањето на одмор среде кризна состојба Заев го прави предавник за кое треба да одговара, реагираат од опозициската ВМРО-ДПМНЕ.
„Заев побегна од својот народ кога му е најтешко. Кога Македонија гори, кога се загрозени имоти и животи на граѓани, Заев како премиер и половина влада избегаа на одмор. Срамно и бедно. Заев и министрите се платени од народот да му служат, да ги решаваат нивните проблеми и да им ја гарантираат безбедноста, сопственоста и животот. Заев како премиер е најодговорен и затоа треба да биде во Македонија кога од пожарите се загрозени села и градови“, велат од ВМРО-ДПМНЕ.
Според оваа партија тоа што власта прогласи кризна состојба, а ги остави како што велат граѓаните да голтаат чад и да се спасуваат како знаат, а во исто време Заев и пола влада да пијат коктели на одмор е кукавичлук.
„Неспособноста е добро позната особина на власта на Заев, ама сега гледаме дека немаат ни срам ни перде. Никој веќе не бара одговори од Заев и неговата власт. Народот бара одговорност“, стои во писменото соопштение од ВМРО-ДПМНЕ.
