Утрински Весник
Свет

После пожарите, два земјотреси ја погодија утрово Турција

После пожарите, два земјотреси ја погодија утрово Турција

Два одделни земјотреси го погодија југозападниот брег на Турција рано утрово, потврдија официјалните лица.

Агенцијата за управување со катастрофи и управување со вонредни состојби (АФАД) објави дека првиот земјотрес со јачина од 4,3 степени е регистриран во близина на крајбрежниот град Датца, во провинцијата Мугла, во 2 часот по полноќ по локално време на длабочина од 24,21 километар.

Вториот земјотрес, кој беше со интензитет од 4,1 степени според Рихтеровата скала, е регистриран во Егејското Море во 02:56 часот по локално време на длабочина од 3,19 километри, а епицентарот бил на околу 45 километри од Датца, соопшти АФАД, пренесуваат турските агенции.

Како што се наведува, засега нема извештаи за жртви и материјална штета во овие земјотреси.

Медиумите потсетуваат дека Турција се бореше со силни шумски пожари претходните денови, а се шпекулира дека истите биле подметнати.

Можете да прочитате

Британија лансираше монети во чест на бендот „Ајрон Мејден“

Трамп: Царините ќе важат од 1 август, продолжување нема

Макрон: Европа никогаш нема да ја напушти Украина