Утрински Весник
Македонија

17 октомври е датумот за локалните избори, изјави Заев

17 октомври е датумот за локалните избори, изјави Заев

И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска изјави дека датумот за одржување на локалните избори останува ист, односно 17 октомври.

„Датумот, според предлогот од работните групи во кој учествуваат сите политички партии е 17-ти, односно, нема промени на датумот кој е утврден во самиот Изборен законик и досега. Имаше дилеми заради трите дена поклопување на пописот со кампањата, но, на крајот се одлучи трите дена не менуваат ништо, пописот е активност којашто финишира преку ден, кампањите се водат навечер. Впрочем пописот секојпат се држел 20 дена, овојпат се определени 30 дена, може навистина да се заврши порано. Има доволно време, нема потреба од какви било промени на датумот за изборите“, изјави Заев.

Тој објасни дека предлогот за прагот на поднесување на независните листи е 2 проценти од вкупниот број избирачи.

„Ако има општината 10.000 избирачи, треба 200 потписи за да се поднесе независна листа. Ако има 50. 000 избирачи, треба 1 000 потписи за да се поднесе независна листа“, додаде Заев.

Можете да прочитате

ЦУК: Вкупно 13 пожари на отворен простор, од кои еден е активен, три се под контрола и девет се изгаснати

Трендафилов: Не туркајте не на улица, минималната плата е прашање на живот

Онлајн пазарувањето ги празни трговските центри, трендот расте и во Македонија