За нешто повеќе од два месеци британскиот боксер Ентони Џошуа ќе ја брани титулата светски шампион во тешка категорија. Противник во тој меч ќе му биде Олександер Усик од Украина, а борбата е закажана за 25. септември во Лондон.
За место на одржување на спектаклот е одреден стадионот на премиерлигашот Тотенхем, што „петлите“ го објавија на нивниот официјален сајт.
Британскиот боксер во своите витрини засега ги има појасите во три верзии – ВБА, ВБО и ИБФ, откако во декември минатата година го победи бугарскиот претставник, Кубрат Пулев.
Џошуа во јуни 2019-та го доживеа единствениот пораз во кариерата, од Мексиканецот Енди Руиз, на кого истата година му се реваншираше.
Украинецот Усик е прв предизвикувач во ВБО верзијата, а тој до сега не се борел за титула во тешка категорија. Бил сопственик на сите 4 појаси во крузер категорија.
Check Out This Post| Anthony Joshua To Fight Oleksandr Usyk At Tottenham Hotspur Stadium This September https://t.co/rr23dYi5N0 pic.twitter.com/hShYUiFzLp
— Krafthouse Recording Studio (@Kraft_House) July 20, 2021
> Закажан е боксерски спектакл во домот на Тотенхем – Џошуа против Усик <
