Силно невреме проследено со силен дожд и грмотевици го погоди подрачјето на Осиек попладнево.
Обилниот дожд поплави патишта и паркинзи, а Дирекцијата за цивилна заштита извести дека во невремето биле урнати покриви на згради.
Според хрватските медиуми под еден од автомобилите додека тој стоел на паркингот се отворила дупка, па пожарникарите го извлекле за време на невремето.
Окружниот центар исто така добил неколку извештаи за поплавени подруми и куќи во градот. Започнал да паѓа и град, објави Цивилната заштита.
Денеска беше издадено портокалово предупредување за континентална Хрватска поради најавените локално изразени врнежи и грмотевици.
