Еден од водачите на најмоќната банда на Хаити најави дека неговиот народ ќе излезе на улица во знак на протест против атентатот врз претседателот Жовенел Моиз и се закани дека сиромашната карипска земја ќе ја вовлече подлабоко во хаос.
Џими Черижер, поранешен полицаец познат како Барбиеки (скара), кој е на чело на таканаречената федерација на девет банди Г9, остро ги критикуваше полицијата и опозициските политичари во земјата и ги обвини дека соработувале со „смрдливата буржоазија“ со цел да го жртвуваат Моиз.
„Тоа беше национален и меѓународен заговор против народот на Хаити“, рече тој за време на видео обраќање, пренесува „Ројтерс“.
Мартин Моиз, вдовицата на убиениот претседател Жовенел Моиз, ги обвини претходните непријатели во сенка дека го организирале неговиот атентат за да ги запрат демократските промени во земјата.
Моиз беше убиен рано наутро во средата во неговиот дом во Порт-о-Пренс.
Властите на Хаити соопштија дека атентатот го извршиле странски обучени атентатори, 26 Колумбијци и двајца Американци од хаитско потекло.
