Министерот за здравство на Велика Британија, Саџид Јавид, изјави дека возрасните и децата кои биле целосно вакцинирани против коронавирус нема да мора повеќе да бидат во изолација по контакт со некој кој е позитивен на вирусот.
Секој што е вакциниран, и бил во близок контакт со лице кое е позитивно на коронавирусот, нема да мора да оди во изолација од 16 август, пишува „Ројтерс“.
Според правилата за возрасни, секој на возраст под 18 години исто така нема да мора да се изолира по контакт со лице позитивно на вирусот, додаде Јавид.
