Вчера во 23.55 часот, полициски службеници од Единицата за внатрешни работи Кисела вода, Отсек за потраги, на ул.„Стари Новакиња“ во нас.Драчево, по добиена судска наредба, го лишиле од слобода лицето М.Н.(31) од Скопје.
За него, како што соопшти министерството за внатрешни работи, била распишана Централна потерница за издржување на казна затвор од една година и шест месеци, во врска со чл.236 од Кривичен законик.
М.Н. е предаден во Полициска станица Драчево за понатамошна постапка, известија надлежните.
