Иднината на Серхио Рамос мора да биде решена во наредните две недели. На 30.јуни истекува неговиот договор со Реал. Досегашните обиди, Рамос да го продолжи договорот беа неуспешни.
Серхио Рамос (35), инсистира на две годишен договор и не се согласува платата да му биде намалена. Претседателот на Реал, Флорентино Перез, бара капитенот да прифати значително намалување на платата.
Преговорите тапкаат во место, поради што е извесно дека Рамос ќе го напушти „Сантијаго Бернабеу“.
Интерс за Рамос покажале ПСЖ, неколку клубови од Англија и САД, а денес Шпанците објавија дека тој добил спектакуларна понуда од Севилја, клуб во кој ја започна кариерата.
„АС“ радио, тврди дека, од Севилја на Рамос му понудиле петгодишен договор, плата од седум милиони евра по сезона и функција во клубот откако ќе ја заврши кариерата.
Рамос во 2005 година од Севилја, за сума од 30 милиони евра, се пресели во Реал.
> Севилја испратиле спектакуларна понуда до Серхио Рамос <
