Норвешка ќе спроведе „сурови“ тестирања на китовите, иако научниците во таа земја, како и низ целиот свет, се спротивставуваат на идејата бидејќи овие експерименти можат сериозно да им наштетат на животните.
Плановите за снимање и изведување шестчасовни тестови за звук на млади китови треба да се одржат во Норвешка, и покрај противењето на дури 50 меѓународни научници и експерти за диви животни, кои сметаат дека идејата е „тотално неприфатлива“ и може да предизвика огромен стрес кај животните.
На северот на Норвешка во близина на островот Вествагои китовите мигрираат секоја година во потрага по храна на пат кон крајниот север, и таму се поставуваат мрежи долги една милја каде што во текот на една или две сезони, околу десетина млади китови ќе бидат фатени и чувани за експериментирање, потврдено е од норвешката администрација.
Петицијата против овој суров план собра дури 59.000 потписи.
Сузан Милвард, директорка на морската програма на Институтот за заштита на животни, смета дека овој потфат не вреди да се ризикува, имајќи предвид дека веќе е познато од претходните експерименти како китовите реагираат на различни звуци.
