Во скопската населба Карпош, во попладневните часови на 5 јуни, полицајци од секторот за недозволена трговија со дрога заплениле амфетамин и марихуана.
Како што информираат од МВР, врз основа на судска наредба извршен бил претрес во домот на 38-годишниот Д.Б, кој издржувал мерка куќен притвор, каде и била пронајдена дрогата.
Д.Б. бил приведен во полициската станица Карпош, а по насока од јавен обвинител и судија од Основниот кривичен суд тој бил спроведен во затворот во Шуто Оризари и по документирање на случајот против него ќе биде поднесена соодветна пријава.
