Попладнево премиерот Зоран Заев слета во Република Турција, на покана на претседателот на Република Турција, Реџеп Таип Ердоган, информираат владините служби.
Премиерот Заев и министерот за здравство Венко Филипче беа пречекани од заменик-гувернерот на Истанбул, Зекерија Гунеј.
Во продолжение на посетата премиерот Заев ќе има работна вечера со претседателот Ердоган. Од кабинетот на Заев појаснуваат дека работната вечера се реализира по покана на претседателот на Турција.
Заев е придружуван од министерот за здравство, Венко Филипче, а се очекува на средбата да се разговара за економијата, трговијата, здравството, како и за други теми од заеднички интерес на двете земји.
