Денеска во Општина Бутел се одржа завршната манифестација на цветната мироносна штафета со пораките кои тргнаа од ООУ Живко Брајковски во првото полугодие која беше поддржана со идејата на познатиот уметник Живко Поповски Цветин.
Во текот на одржување на манифестацијата која се реализираше со многубројни активности во основните училишта, општина Бутел и детската градинка се испреплетоа многубројни настани и активности како што се светскиот ден на детето, светскиот ден на пеперутката и 100 години од раѓањето на Блаже Коневски.
Општина сите овие активности ги спои заедно во одбележувањето на 16 годишното постоење на Општина Бутел каде што дечињата заедно со градоначалникот Велимир Смилевски пуштија во воздухот 16 големи балони со цел да го одбележат роденденот на општината и да ги испратат пораките за мир, среќа и благосостојба.
Бутел со бројни активности ја одбележа 16 годишнината од постоење на Општината
