Белорускиот претседател Александар Лукашенко потврди дека немало разговори со Москва за тоа Белорусија да се откаже од својот суверенитет, во контекст на интеграцијата со Русија и дека економијата е главна тема во односите меѓу двете земји.
„Нема индиции дека би можеле да се откажеме од нашиот суверенитет и независност. Ова дури и не се споменува. Ние воопшто не разговаравме за ова“, рече Лукашенко денеска на состанокот за прашања во руско-белоруската соработка, пренесува ТАСС.
Според Лукашенко, и покрај западните провокации и напади, економијата останува главна тема на агендата во односите меѓу Минск и Москва.
„Решаваме специфични прашања што ќе ни помогнат да се приближиме до Руската Федерација. Ќе повторам, ни треба само едно, еднакви услови за економски субјекти, поединци“, објасни белорускиот претседател.
Лукашенко и рускиот претседател Владимир Путин се состанаа во петокот во Сочи, по утринскиот состанок на шефовите на влади на ЗНД во Минск.
