Италијанската влада денеска повторно навести дека може да инвестира во производството на вакцина против коронавирус од компанијата „Реитера“ со финансирање на третата фаза од клиничките испитувања, и покрај одлуката на судот со која се одбива планот за инвестирање на јавни средства во таа локална компанија за биотехнологија.
Според „Ројтерс“, италијанскиот државен суд за ревизија денес се спротивставил на финансирањето на проектот со пари од јавниот буџет, што ја носи неговата реализација во неизвесност.
Судот соопшти дека од 50 милиони евра државни пари кои биле директно резервирани за проектот, многу малку биле наменети за истражување и производство на вакцината, а многу повеќе за општо зајакнување на компанијата.
Министерот за индустрија Џанкарло Џорџети рече дека Министерството е подготвено да го поддржи проектот за производство на вакцини од „Реитера“ на законски пропишан начин.
