Тетововската полиција целосно расчисти 12 тешки кражби и ќе изготви поднесоци против три малолетни лица од Тетово на возраст од 13 до 16 години.
Тројцата тинејџери се сомничат дека во периодот од февруари до април годинава со употреба на сила влегувале во продажни и угостителски објекти во централното тетовско подрачје и одземале пари или разновидни производи.
Малолетниците, истовремено, не ја почитувале и забраната за движење за што ќе им биде поднесена пријава за непостапување според здравствените прописи.
