Во Словенија 15 лица починале во последните 24 часа како резултат на Kовид-19, а потврдени се уште 398 новозаразени, што е значително помалку од 807, колку штo беа претходниот ден, но со значително помалку тестирања бидејќи во вторникот беше државен празник и неработен ден во Словенија.
„Во целиот свет, но и во Словенија, пандемијата е активна и сè уште трае“, предупреди епидемиологот Ева Грилц од Националниот институт за јавно здравје на владината прес-конференција. Според неа, од една страна, добро е што инциденцата на зараза во Словенија благо се намалува и бројот на смртни случаи е значително намален, а состојбата во болниците е полоша бидејќи нивото на хоспитализации останува високо и е меѓу највисоките во Европската Унија.
Во Словенија се потврдени 398 нови случаи на зараза во последните 24 часа од вкупно 2.007 ПЦР-теста, односно 19,8 проценти од позитивните резултати во однос на вкупниот тестиран број. Има 9.250 активни случаи и 14-дневната инциденција изнесува 437. Просечниот број на дневни инфекции во последните седум дена е 606, со 621 пациент се во болници, од кои 155 се на единиците за интензивна нега, соопшти Министерството за здравство.
