Украинскиот претседател Володимир Зеленски отвори нова локација за отстранување на нуклеарен отпад во близина на Чернобил, местото на најтешката нуклеарна несреќа во светот, што се случи пред точно 35 години.
Зеленски го посети Чернобил со Рафаел Маријано Гроси, генерален директор на Меѓународната агенција за атомска енергија (МААЕ) и вети дека таа изолирана зона, како што ја нарекуваат Чернобил, ќе ја претвори во зона за обновување.
„ Украина не е сама и има широка поддршка од своите партнери“, рече Зеленски. „ Денес беше пуштен во употреба нов магацин и многу е важно денес да се добие дозвола за негово одржување“, рече тој.
Украинските власти одлучија да ја искористат таа празна изолирана зона околу нуклеарната централа во Чернобил за да изградат место каде што Украина може да го складира својот нуклеарен отпад во следните 100 години.
Украина во моментов има четири оперативни нуклеарни централи и мора да пренесува нуклеарен отпад до Русија. Новиот магацин ќе и овозможи на владата да заштеди до 200 милиони долари годишно.
