Основното јавно обвинителство за гонење организиран криминал и корупција донело наредба за истрага во случајот со набавката на софтверот за сообраќајни прекршоци што не го користи ниедна институција, објави „360 степени“.
Во случајот се осомничени четири лица, меѓу кои и доскорешниот секретар во премиерскиот кабинет и поранешен генерален секретар на Владата, Драги Рашковски.
Според непотврдените информации на „360 степени“, обвинителството предлага определување мерка притвор за Рашковски и за уште едно лице, најверојатно сопственикот и управител на фирмата која ја добила спорната јавна набавка за софтверот „Инвока гроуп“. Судот издал наредба за приведување на Рашковски.
