Турскиот министер за надворешни работи Мевлут Чавушоглу изјави дека Анкара не се определува за ниту една страна во конфликтот меѓу Украина и Русија.
За време на викендот, по состанокот со украинскиот претседател Володимир Зеленски, турскиот претседател Реџеп Таип Ердоган повика на крај на „загрижувачките“ настани во источна Украина, во областа Донбас.
После тоа, министерот за надворешни работи на Русија, Сергеј Лавров, рече дека Турција и другите земји не треба да поттикнуваат „воинствени чувства“ во Украина, јави Ројтерс.
