Портпаролот на Владата, Душко Арсовски на денешната прес конференција, по новинарско прашање, посочи дека премиерот Зоран Заев ја прифатил оставката на Драги Рашковски, Секретар за следење и поддршка на институциите во спроведувањето на програмите за работа на Владата.
-Драги Рашковски достави писмо со кое го известува дека се повлекува од функцијата, тоа е негова лична одлука и има право на тоа, истакна Арсовски.
Според него, во моментот Владата сѐ уште нема назначено друго лице на неговата позиција.
Тој се осврна и кон тоа дека набавката на софтверот е спроведена во целосно транспарентна процедура и во целосна согласност со законот за јавни набавки.
