На регионалниот пат Маврови Анови-Дебар, во близина на манастирот „Св. Јован Бигорски“, вчера во попладневните часови се случила сообраќајна незгода во која животот го загуби едно лице, а тројца се повредени.
Како што информираат од МВР, во незгодата учествувале камион влекач со приколка, со српска регистрација, управуван од 53-годишниот српски државјанин Љ.Д. и автомобил „хјундаи акцент“, со скопска регистрација, управуван од А.Ѓ. (68) од Скопје.
На местото на незгодата починал возачот на автомобилот, а неговите сопатници М.Р. (26), Ј.Т. (30) и Г.Т. (34), сите од Скопје, биле пренесени со комплексот клиники „Мајка Тереза“ за укажување на лекарска помош.
Увид на местото на незгодата извршиле екипа од гостиварската полиција и Јавен обвинител, а возачот на камионот бил приведен во полициската станица Гостивар.
