Индија во понеделникот објави рекорден број на новозаразени со коронавирус, со тоа стана втора по САД во регистрирањето на повеќе од 100.000 новозаразени на ден, додека болниците во најпогодената земја Махараштра се преоптоварени.
Дневниот број на заразени се зголеми за 12 пати, по едномесечниот пад од почетокот на февруари, кога властите ги ублажија повеќето ограничувања и луѓето во голема мера престанаа да носат маски и да одржуваат физичка дистанца.
Со 103.558 новозаразени со коронавирус, Индија сега пријавила 12,6 милиони случаи, најмногу по САД и Бразил, според податоците на Министерството за здравство.
Државата ќе започне со затворање на трговски центри, кина, барови, ресторани и верски објекти од понеделник навечер.
Властите ќе воведат целосно затворање за време на викендот, бидејќи експертите се загрижени за недостатокот на кревети во единиците за интензивна нега, особено во помалите градови.
