Рекордни 19.893 нови случаи на коронавирус се пријавени во Украина во последните 24 часа, известуваат тамошните медиуми.
Рекорден број на смртни случаи дури 433 е забележан за еден ден, што е рекордно зголемување на смртните случаи трет ден по ред, анализираат агенциите.
Доцна синоќа, Украина го потврди присуството на јужноафриканскиот сој на коронавирусот.
Неколку големи украински градови, вклучително и Киев, веќе воведоа многу строга блокада.
Земјата досега бележи вкупно 1.711.630 заразени со Ковид-19 и 33.679 смртни случаи.
