Земјотрес со јачина од 3,8 степени според Рихтеровата скала синоќа го стресе Јадранско Море, објави Европско-медитеранскиот сеизмолошки центар.
Тоа беше шести земјотрес во областа, во последните 30 часа.
Епицентарот бил во близина на Вис.
Хрватскиот „Индекс“ известува дека земјотресот бил почувствуван и во дел од Далмација, го почувствувале жителите на Сплит, Шибеник, Задар.
Од таму потсетуваат дека,во Јадранското море се тресеше пред два дена, а според италијанската сеизмолошка служба, земјотресот бил со јачина од 5,2 степени според Рихтеровата скала, а бил почувствуван во поголемиот дел од јужна Италија и Далмација.
