Ветеринарите го открија првиот случај на инфекција со британскиот вид на коронавирус кај мачка, која живее во семејство во Новара. Сопствениците на домашното животно се наоѓаат во карантин поради инфекцијата, а според експертите на Зоопрофилактичкиот институт мачката се заразила од сопственикот и ги имала истите симптоми како и луѓето.
Директорот на Институтот, Анџело Ферари, потврди дека инфекцијата се пренесувала од луѓе на животни, а не обратно, и дека домашните животни не се носители на инфекцијата. Тој потсети дека на фармите за одгледување визони, чие крзно се користи за производство на скапи крзнени палта, инфекцијата исто се пренела од луѓето, односно од персоналот што работел на тие фарми.
Во споредба со пред дваесет дена, кога беше забележан почетокот на третиот бран на пандемијата „Ковид 19“ во Италија, бројот на смртни случаи за еден ден е двојно зголемен, а има уште неколку илјади новоинфицирани. Во последните 24 часа од инфекцијата починале 423 лица, а меѓу 350 илјади тестирани откриени се скоро 25 илјади нови случаи на заразени, пишува агенцијата Анса.
