Светилките на висококатниците Џевахир Скај Сити ќе се изгаснат во 20.30 часот, на 27ми март, во сабота. Со едночасовното исклучување на светилките, компанијата се вклучува во одбележувањето на најголемата светска еколошка акција „Час на планетата Земја“ и ја изразува својата поддршка за глобалната иницијатива. „Едночасовното гасење е многу поважно како испраќање порака за одговорноста што сите ја имаме во однос на значењето и прекумерната искористеност на природните ресурси. Затоа, заради значењето на само еден час за поголема свесност, се надеваме дека со нашето вклучување во глобалната иницијатива ќе мотивираме помасовна вклученост и од страна на компаниите и од страна на граѓаните”, велат од Џевахир холдинг.
Џевахир холдинг е компанија што ја поддржува секоја иницијатива што како приоритет поставува општокорисни акции и придонесува за поголема свесност за климатските промени и за позитивните промени во општественото живеење.
