Утрински Весник
Свет

Суецкиот канал се уште блокиран, се работи на извлекување на заглавениот брод

Суецкиот канал се уште блокиран, се работи на извлекување на заглавениот брод

Товарниот брод со контејнери сè уште е заглавен во Суецкиот канал, што може да спречи најмалку 150 бродови да поминат денеска низ овој клучен морски премин додека се работи на отстранување на пречката, соопштија египетските власти.

Бродот „Ever Given“, кој плови под знамето на Панама и пренесува товар помеѓу Азија и Европа, се заглави поради силниот ветер во тесниот вештачки премин, што ги дели континентална Африка и Синајскиот полуостров.

Утрово продолжија работите за поместување на бродот. Екипите се обидуваат да ги отстранат седиментите околу бродот и со помош на плимата да го повлечат со помош на влечење.

Еден службеник рече дека сите се надеваат дека нема да мора да истоваруваат контејнери од бродот, бидејќи тоа би било целодневна работа.

Операторот на бродот, БСС, изјави дека сите 25 членови на екипажот се добро и безбедни.

Можете да прочитате

Трамп предупреди за можен напад со „валкана бомба“, Иран ги отфрли тврдењата

Голем пожар во една од најголемите руски рафинерии

Ле Пен: Погрешив што се спротивставував на двојното државјанство и истополовите бракови