Швајцарската агенција за лекови „Свисмедик“ ја одобри вакцината против Ковид-19 на американската компанија „Џонсон и Џонсон“, изјави денеска портпаролот на агенцијата, така што оваа вакцина сега е достапна покрај „Фајзер-Бионтек“ и „Модерна“.
Швајцарија досега не ја нарачуваше вакцината за еднократна употреба „Џонсон и Џонсон“, која претходно беше одобрена од САД, Канада и Европската Унија, објави „Ројтерс“.
Во глобалното истражување на компанијата „Џонсон и Џонсон“ на 44.000 лица, утврдено е дека вакцината е ефикасна кај 66 проценти од случаите со умерена до тешка форма на Ковид-19 четири недели по вакцинацијата.
Таа е стопроцентно ефикасна во спречување на хоспитализација и смрт како резултат на вирусот.
