До 16 часот најмногу снег наврнал во Маврово и во Ѓуриште – 27 и 24 сантиметри, соопшти Управата за хидрометеоролошки работи.
Снежна покривка има и во Лазарополе, Попова, Шапка, Тополчани, Пожаране, Претор, Битола, Берово, Тетово, Прилеп и Скопје.
Највисока температура е измерена во Гевгелија (5 степени), а најниска во Маврово (-3 степени).
Времето до крајот на денот ќе биде облачно и студено со врнежи од дожд на југоистокот, а во останатите делови претежно од снег. На планините и на повисоките места врнежи ќе бидат од снег.
Времето утре ќе биде облачно со врнежи од снег на планините и на повисоките места. На југоистокот врнежите ќе бидат од дожд, а на пониските места во останатите делови од земјата тие повремено ќе преминуваат од дожд во снег особено во ноќните и утринските часови. Пообилни врнежи ќе има во западните и северните делови и ќе дува умерен до краткотрајно засилен северен ветер. Минималната температура ќе биде во интервал од -2 до 4, а максималната ќе достигне од 3 до 9 степени.
Во Скопје облачно и студено со повремен дожд, кои кон крајот на денот и во текот на ноќта во делови од котлината ќе преминува во снег. Минималната температура ќе биде околу 0, а максималната ќе достигне само до 4 степени.
Во вторник и среда ќе дува умерен до силен северен ветер најизразен долж Повардарието и ќе има услови за повремен снег на планините и повисоките места. На пониските места ќе има повремен дожд кој ќе преминува во снег. Во деновите од работната недела ќе се задржи студено, а утринските температури ќе се најниски во среда и четврток.
