Селена Гомез сака на својата кариера да ѝ даде „последен обид“ пред да одлучи да се оддалечи од музичката индустрија засекогаш, бидејќи смета дека луѓето не ја сфаќаат сериозно и не се грижат за материјалот што го издава.
28-годишната пејачка и актерка за магазинот „Вог“ изјави: „Тешко е да продолжите да правите музика кога луѓето не ве сфаќаат сериозно. Има моменти кога се прашувам: Што е поентата? Зошто продолжувам да го правам ова?“
„Мислам дека Lose You to Love Me беше најдобрата песна што некогаш сум ја објавила, а за некои луѓе, сè уште не беше доволно. Мислам дека има многу луѓе кои уживаат во мојата музика, и поради тоа сум благодарна, поради тоа продолжувам, но следниот пат кога ќе направам албум, ќе биде поинаку. Сакам да го направам последниот обид пред да се повлечам од музиката.“
Ако навистина прекине со пеење, Селена ќе преземе повеќе филмски и телевизиски улоги.
