Два германски овчари кои им припаѓаат на американскиот претседател Џо Бајден и првата дама Џил Бајден се вратени во семејната куќа на Бајден во Вилмингтон минатата недела, затоа што биле агресивни во Белата куќа, пишува Си-ен-ен.
Кучето Мејџор, кого Бајден го посвои во ноември 2018 година од засолниште за животни, касна член на обезбедувањето на Белата куќа, рече еден извор.
Изворот не ја навел точната состојба на нападнатиот, но инцидентот бил доволно сериозен за кучињата да бидат преместени во Вилмингтон.
„Си-ен-ен“ наведува дека Мејџор, кој има три години, скокал, лаел и неколкупати ги нападнал персоналот и обезбедувањето на Белата куќа.
Шампион, постарото куче од германските овчари на Бајден, има околу 13 години.
Кучињата беа донесени во Белата куќа во јануари, помалку од една недела по инаугурацијата на Бајден.
