Утрински Весник
Свет

Прв случај на бразилскиот вид на коронавирус во Словенија

Прв случај на бразилскиот вид на коронавирус во Словенија

Во Словенија е потврден првиот случај на бразилскиот вид на коронавирус, изјави денеска шефицата на групата експерти, Матеја Логар.

Таа на прес-конференцијата рече дека првиот случај е потврден во тричлено семејство во Марибор, пренесува порталот 24УР.

Таа додаде дека засега нема податоци дали некој друг се заразил и дека се надева дека нема да има понатамошно ширење.

Логар рече дека пациентот е сместен во болницата во Марибор, додека другите двајца членови на семејството закрепнуваат дома.

Говорејќи за општата состојба во Словенија, таа рече дека ситуацијата не напредува и дека не е можно да се ублажат мерките оваа недела.

Во текот на вчерашниот ден во Словенија, вирусот Ковидd-19 е потврден кај 210 од 1.681 тестиран лице, како и дека шест лица починале како резултат на вирусот.

Извор: makfax.mk

Можете да прочитате

Британија лансираше монети во чест на бендот „Ајрон Мејден“

Трамп: Царините ќе важат од 1 август, продолжување нема

Макрон: Европа никогаш нема да ја напушти Украина