Актуелниот шампион во „кралската класа“, Џоан Мир и неговиот колега Алекс Ринс, го открија новиот дизајн на Сузуки за претстојната сезона.
Сузуки, последни го покажаа својот адут за сезоната 2021. Моторот, со кој Мир ќе се обиде да ја одбрани титулата ја носи ознаката „GSX-RR“.
Сузуки во новата сезона влегува со новиот спонзор Монстер Енерџи.
Возачите на Сузуки во новата сезона ќе имаат тешка задача да ги повторат резултатите од 2020 година, кога Мир ја освои титулата, а Ринс заврши на третото место во генералниот пласман.
Новата сезона во Мото ГП шампионатот ќе започне на 28.март, со трката за Големата награда на Катар.
> Адутот на Сузуки за новата сезона „GSX-RR“ <
