Министерот за надворешни работи на Словенија Анже Логар изјави дека за време на претседателството со ЕУ во втората половина од годинава, неговата земја сака да организира самит на ЕУ и Западен Балкан.
„Од наш интерес е да организираме самит ЕУ-Западен Балкан, како и неформален самит на кој ќе разговараме за силна ЕУ што ќе може да реши различни кризи, од здравство до сајбер“, рече Логар по седницата на Советот за надворешна политика во Брисел.
Тој рече дека суштинските подготовки за двата самита се веќе во тек и дека сепак треба да се разговара за конкретна агенда.
