Постои можност носењето заштитни маски следната зима да биде потребно под одредени услови, со цел да се продолжи со одбраната од зараза со коронавирус, изјави главниот научен советник на Владата на Велика Британија, Патрик Валенс.
„Можеби ќе биде потребно следната зима да има мерки како што е носење маска во одредени ситуации“, изјави Валeнс пред новинарите во Лондон.
Водечкиот американски експерт за заразни болести, д-р Ентони Фаучи, изјави дека постои можност Американците да мора да носат маски и во 2022 година, но дека мерките воведени поради Ковид-19 ќе бидат сè поблаги заради напредокот во кампањата за вакцинација.
