Претседателот Џо Бајден во петок треба да зборува на виртуелната безбедносна конференција во Минхен. Државниот секретар на САД, Ентони Блинкен, ќе учествува на онлајн Самитот Е3 со Франција, Германија и Велика Британија, а темата се очекува да бидат глобалните предизвици, изјави портпаролот на Стејт Департментот, Нед Прајс.
Блинкен исто така ќе учествува на седницата на Советот за надворешни работи на ЕУ, на покана од високиот претставник на ЕУ, Џозеп Борел.
„Администрацијата Бајден-Харис е посветена на дијалог и соработка со кинеските партнери, почнувајќи од европските партнери“, изјави Прајс.
„Ние разбираме дека европските партнери имаат свои интереси и врски и не ги принудуваме да избираат помеѓу Кина и САД. Но, ние сме загрижени дека Кина користи мултилатерални организации за подобрување на својата економија, национална безбедност и интереси, на штета на мирот и просперитетот на другите земји“, додаде тој.
Кинескиот претседател Си Џинпинг на неодамнешниот Самит 17 + 1 објави дека Пекинг ќе го зголеми увозот од пазарите на земјите од Централна и Источна Европа и ќе увезе стока во вредност од 170 милијарди долари во следните пет години.
Како што пренесуваат американските медиуми, Кина веќе извезува вакцини во европскиот регион и го зголемува своето влијание, а првите земји што земаа кинески вакцини се Србија и Унгарија, која воедно е единствената членка на ЕУ што ги користи, затоа што не се одобрени на европскиот пазар.
