ТВ-шоуто „Танцување на мраз“ ќе паузира една недела, откако „Ај-ти-ви“ соопшти дека следниот викенд ќе нема натпреварување во живо, како мерка на претпазливост.
Одлуката следи по заминувањето на актерот Џо-Ворен Плант минатата недела, кога беше објавено дека бил позитивен на Ковид-19.
Претходно и Џејсон Донован изјави дека нема да се натпреварува викендов поради болки во грбот.
Шоуто ќе се врати на 28 февруари, а следниов викенд ќе се прикажува специјална епизода со хајлајтс од минатите изданија.
