Четириесет и тригодишник починал во Берлин во средата откако поминал два часа во замрзнато езеро во паркот Трептауер.
Жртвата, заедно со уште еден 44-годишник и две жени (55 и 21 година), во костими за капење го скршиле мразот за да запливаат во ладната вода.
Кога 43-годишникот исчезнал под површината на водата, неговите пријатели се обиделе да го спасат и повикале помош.
Спасувачите го извлекле и успешно го реанимирале, но тој подоцна починал во болница како последица на хипотермија, пишува „Берлинер цајтунг“.
Пред два дена во Германија беше забележана температура од дури – 26,7 °С. Според германската метеоролошка служба (ДВД), овие температури и натаму се далеку од најниските досега измерени во Германија. Рекордот сè уште го држи Хул во Баварија, каде во 1929 година била забележана температура од -37,8 °С.
ДВД исто така објави дека овој месец е најстуден февруари од 2012 година.
