Словенечкиот премиер Јанез Јанша вели дека земјата ќе биде подготвена да набави и други достапни вакцини против коронавирус, покрај оние што веќе ги користи, но само доколку тоа го одобри европскиот регулатор на лекови.
„Во Словенија ќе ги користиме сите вакцини против Ковид-19, кои се одобрени од Европската агенција за лекови (ЕМА) како ефикасни и безбедни, вклучувајќи одобрување од националниот регулатор, па и руски, индиски и кинески“, напиша Јанша на неговиот твитер-профил.
До оваа недела во Словенија се користеа вакцините на „Фајзер“ и „Модерна“ за имунизација, а на почетокот на оваа недела започна вакцинацијата со вакцината на „Астразенека“, според „Хина“.
Владата во средата објави дека заштитила 2% од населението за еден и пол месец вакцинација против Ковид-19 и дека планира да го зголеми тој процент на 5% до крајот на месецот, односно да имунизира околу 100.000 луѓе.
