Во Црна Гора, поради влошената епидемиолошка состојба, воведена е забрана за напуштање на објектите за домување од 21 до 5 часот наутро, изјави директорот на Институтот за јавно здравје, Игор Галиќ.
Забранет е и меѓуградски превоз на патници од петок во 21 часот до понеделник во 17 часот. За компаниите и претприемачите (трговски центри, продавници за чевли и облека, салони за убавина, ресторани, фризерници, обложувалници, угостителски објекти), работното време е ограничено од седум до 18 часот.
Министерката за здравство, Јелена Боровиниќ-Бојовиќ, рече дека новите мерки ќе важат 15 дена и дека можат да бидат построги.
Посебни мерки ќе бидат воведени во општините Будва и Тиват. Во овие две општини се забрануваат јавни собири, како и работата на компании и претприемачи кои вршат угостителски услуги, а забранета е и работата на продавници со непрехранбени услуги.
Наставата ќе се изведува онлајн.
