Лацио стигна до шестата победа едноподруго во Серија А и вкупно осма во сите натпреварувања, откако капитенот Чиро Имобиле им донесе 1:0 победа над Каљари, со која се зголемија маките на клубот од Сардинија.
Имобиле се најде на вистинското место по асистенцијата на Сергеј Милинковиќ-Савиќ во 61. минута по првото полувреме без голови, за уште еднаш да покаже дека е еден од најдобрите напаѓачи на денешницата. Ова е 13-ти гол во 18 меча во Серија А за капитенот, кој минатата сезона, да потсетиме, ја освои „златната копачка“ пред Роберт Левандовски од Баерн Минхен.
Тимот на Симоне Инзаги сега е на петтото место на табелата со 40 поени, колку што имаат и Рома пред нив, и девет зад лидерот Милан. Каљари, пак, останува на 18. место со 15 поени, еден зад Торино на „безбедното“ 17. место.
Gol de la Lazio ? (1-0) #LazioCagliari
——————————————
Sígueme en @MrGoal18 para no perderte ningún gol ? pic.twitter.com/v5PIeXM0Sg— _____GOAL98_____ (@Goooaal2) February 7, 2021
> Имобиле ја продолжи победничката низа на Лацио <
